Ola a todos outra vez!aqui estou de  novo para facer o comentario dos blogs xa que despois de ler a mensaxe do profesor decateime de que non os comentara, e que non dera a opinion sobre eles.

O primeiro blog http://dibujosparacolorear.blogspot.com vai dirixido aos docentes de educacion infantil ou especialistas neste ambito, para tomar exercicios que despois poden levar a practica na aula.                                                                           

Este blog paréceme interesante porque se traballa o tema do debuxo e da pintura, o cal e de vital importancia nesta idade.                                                                                                                                      

O seu contido son debuxos de diversos temas, neste momento abundan debuxos relacionados coa navidade. Permitesenos tamen elaborar os propios debuxos e consta dun buscador para axilizar o traballo.

 O segundo blog http://engalego.blogspot.com/ foi outro dos blogs que me pareceron interesantes. Destaca polo idioma en galego, este ao igual que o outro servelle como unha axuda aos docentes.

En xeral gustame moito a idea dos blogs, xa que a todos nos gusta que nos boten unha man cando a necesitamos, e a traves deles vemos outras opinions e dannos moitas ideas para levar a cabo nas aulas. No caso dos feitos por nos  creo que nos serviron para ver como foi a experiencia dos nosos compa;eiros de clase.

P.D: Quero pedir aqui desculpas pola falta de tildes nas palabras, pero estou nunha aula de informatica na que o teclado ten unha configuracion rara.

Ola a todos! aqui volto de novo para ofrecervos as duas direccións de blogs educativos que me pareceron interesantes e que me gustaron. Espero que a través destas nos sirvan para aprender algo máis a todos os futuros mestres. As direccións son:

http://dibujosparacolorear.blogspot.com/

http://engalego.blogspot.com

    Xa se rematou todo!!!que pena tan grande! estos días foron maravillosos, e en ningún momento desexaba que se remataran!!!

    O último día cheguei a clase sen crerme que non volvía máis, durante o día todo foi coma sempre, pero no momento en que chegaron os pais, xa empecei a cabilar!!! aquelo acababase! o venres tivemos clase normal ata a mediamañá, logo fixemos unha festa con comida que levou a mestra e unha tarta que lle fixen eu, bailamos, disfrazamonos.. na última media hora de clase entraron os pais á aula e cantamoslles os villancicos e a poesía que aprenderon os últimos días. E cando chegou a hora das despedidas case se me veñen as bagoas ós ollos! preguntabanme porque non ía volver máis. Pero como a mestra me invitou a que volvese cando eu quixese facerlle unha visita, díxenlle que un día iria velos e levarialle as fotos que fixemos para ensinarllas.

        O meu colexio é unha escola unitaria como xa dixen nunha mensaxe anterior. Polo que ter unha aula de informática sería complicado, pero si teñen contacto coas novas tecnoloxías, xa que a mestra ten un ordenador portatíl que leva a aula e que pon de cando en vez con contos que tratan sobre unhos bonecos que aparecen nos cadernos cos que traballan, soemos poñelo de dous a tres días a semana, sobre todo na última media hora de clase cando os nenos xa están cansos.

       Do resto de novas tecnoloxías, podo decir que na aula temos unha fotocopiadora, impresora, escaner, fax, e hoxe viñeron poñer linea de internet que funciona mediante unha rede inalambrica. Tamén temos unha minicadena.

Cantamos a canción dos bos días, falamos algo variado e tamén se levantan varios nenos sinalar unha froita, nomeala e decir a árbore á que pertencen.

Logo diríxense ás súas mesas e a mestra sinala a unha nena para poñer o día.  Cando remantan esto, a mestra explica a letra “P” con un conto e recordan outras letras. Levando esto a escribir palabras con p no encerado, que son ditas polos nenos, tamén realizan repeticións de pronunciación desta letra.  A actividade seguinte é unha ficha da letra “P”. 

Unha vez finalizada seguen a rutina da merenda e van ó recreo. Dalí a un anaco a mestra ordena  recoller e voltar á mesa.Agora toca matemáticas, cantan unhas cancións con relación. Para reforzar os conceptos de arriba e abaixo, aparte dunha canción, a mestra colle unha silla e sácaa ó centro da aula, despois sae un dos nenos, a mestra ordénalle subir, poñerse detrás, diante, debaixo... A continuación explicamos o número 4 e todos fan traballo, adaptado ás 3 idades que hai na aula.

Conforme van acabando dámoslle unhas fotocopias con debuxos de froitos do outono e mandámoslle colorear tres delas, e tamén poñer o nome. Cando rematan van para unha mesa na que axudados pola mestra ou por min pintan cos dedos un acio de uvas. Logo, ó acabar, van collendo as tesoiras e máis un papel e recortan libremente. A mestra máis eu axudamos ós de 3 anos, a que aprendan a coller as tesoiras. Cando notamos cansanzo mandámoslle recoller todo e que collan un xoguete dos de motricididade (facer puzzles, encaixar figuras, coser números...)

Chega a hora de saída e mandamos recoller e facelo ritual de saída (quitar o mandilón, poñer a chaqueta...) e cantamos unhas cancións na fila. 

O primeiro día de clase

O meu primeiro día de clase foi o luns día 20 de Novembro, comecei as 9.45 da mañá (xa que á primeira hora os nenos tiñan relixión e a mestra(Loli), ca cal xa falara venres, díxome que non fora). Entrei na aula a canda a tutora, os nenos estaban aínda ca profesora de relixión, pero, xa estaban recollendo. Loli dirixiuse ós nenos, e preguntoulle se se acordaban do que lle dixera o venres. Todos contestaron que sí, e dixeron o meu nome. Logo a mestra mándalle ir para o corcho e sentarse, xa alí, contan a canción dos bos días (consiste en ir sinalando un por un o nome de tódolos da clase, sendo a última a mestra e incorporando o meu nome)A seguinte actividade que fan, consiste en que todos (ordenadamente) conten o que fixeron o fin de semana. Sairon temas como o da choiva, o outono, o dentista... aproveitando algún comentario que fan do outono a mestra animaos a recordar todo o que saben, todos queren falar entón propoñen o tema das froitas e van decindo os que saben, repetindo algún. Para que este exercicio lle sexa máis sinxelo miran cara un taboeiro onde teñen os nomes e as fotos das froitas.Tódolos días teñen a rutina de que un deles poña a data, para eso, van o calendario, buscan o mes de novembro e contan os números ata o día no que están. Despois, van o lugar donde teñen a data e pegan o nome e o numero do día e mes no que están.Ó rematar esto todo, a mestra explícalle a ficha que van facer hoxe e logo fano, axudándolle nos cando teñen dudas. Cando rematan recollen cada un o seu libro e lévano á estantería, logo, toman a súa merenda (sentados na mesa) e van xogar.Para acabar o recreo, Loli dille que vaian recollendo. Chamoume moitísimo a atención o coordinados que están, xa que todos recolleron e puxeron as cousas no seu sitio, sen intervir en ningún momento a mestra. Cando esta veu que xa estaba todo recollido, comezou a cantar unha canción que emprega como método de relaxación  (todos deitan a cabeza sobre a mesa como se estivesen durmindo e cando ela lle manda levantan o brazo ou perna dereita, tapar un ollo...; para axudarlle a coñecer o lado píntalle un puntiño negro na man dereita)      Continuan cantando unhas cancións que teñen relación coa cara e unindo esto cun texto (dunha das cancións) escrito na pizarra. A partir deste, a mestra dille que van contar as palabras que hai en cada linea (explícalle cales son as palabras e axúdalles separándollas cunha liña de cor). Despois, contan as vocais e tamén algunha consonante que eles recoñecen porque está no seu nome. Partindo desto, a mestra colle fichas das letras e comezan a facelas, tamén repasan co dedo a vocal “U” que está escrita no encerado. Unha vez que van acabando collen plastilina e xogan con ela, cando xa remataron todos sentámonos no corcho e repartímoslle unhos trociños de noz que troixeran eles das súas casas. Logo, conta a mestra un conto e ó que remata pregúntalle se hai algún que se anime a contalo. Un deles anímase e contao axudado por unhas láminas que están no corcho e reflexan partes do conto. Para rematar a clase Loli préndelle o ordenador e ponlle un conto da boneca que teñen nos libros de fichas. Á hora de marchar, quitan o mandilón dentro da aula e van de poucos en poucos buscar o abrigo e a mochila ó perchero (onde teñen cada neno un gancho co seu nome por encima), todo sen axuda da profesora, volven a aula colocan a chaqueta enriba da mesa do revés e coa capucha cara eles e póñena, unha maneira que me chamou a atención pero que vin que resultaba moi eficaz para que todos a puxeran ben. Gustaríame destacar tamén a axuda que se prestaban unhos a outros. Este foi o meu primeiro día, un día que tardarei en olvidar xa que foi o meu primeiro contacto cos nenos como mestra, e tamén o reforzo dunha ilusión que xa tiña. Os nenos son fascinantes, vexo que de eles tanmén se poden aprender moitas cousas. 

A MIÑA ESCOLA:          

A escola na que estou a realizar as prácticas escolares é unha escola unitaria, para os que non as coñeza direille que é un colexio no que soamente hai unha aula. No meu caso, atópanse na mesma aula nenos de 4, 5 e 3 anos. En total teño 18 nenos: catro de 5 anos, oito de 4 anos e seis de 3 anos.         

  O centro consta dun patio exterior (non cuberto), un porche cuberto, dous cuartos de baño, unha aula e unha estancia onde están os xoguetes que sacan ó patio e o perchero onde colgan as mochilas e abrigos.   

   Os rapaces son levados ó centro por seus pais, xa que non teñen transporte escolar. 

 O colexio só ten unha mestra sobre a que recaen tamén os papeis de dirección.